દાદાને આંગણ આંબલો
આંબલો ઘોર ગંભીર જો...
એક તે પાન મેં ચૂટિયું
દાદા ન દેશો દોહાઈ રે...
અમે રે લીલુડા વનની ચરકલડી
ઊડી જાશું પરદેશ જો...
દાદાને આંગણ આંબલો
આંબલો ઘોર ગંભીર જો...
આજ રે દાદાજીના દેશમાં
કાલ્ય જાશું પરદેશ જો...
દાદાને વહાલા દીકરા
અમને દીધા પરદેશ જો...
દાદાને આંગણ આંબલો
આંબલો ઘોર ગંભીર જો...
સંપત હોય તો દેજો દાદા મોરા
હાથ જોડી ઊભા રહેજો...
હાથ જોડી ઊભા રહેજો દાદા મોરા
જીભલડીએ જશ લેજો...
અમે રે લીલુડા વનની ચરકલડી
ઊડી જાશું પરદેશ જો...
No comments:
Post a Comment