Sunday, April 16, 2006

દિવસો પછી માણેલી એક સવાર

શ્રી કિશોરભાઈ રાવળ એક સુંદર ગુજરાતી વેબ મેગેઝીન ઘણા સમયથી પ્રસિદ્ધ કરી રહ્યા છે. દર બે માસે તેઓ નવો અંક રજૂ કરે છે. જે વાંચવાની મજા જ કઈ ઓર છે. સરસ મજાનું સાહિત્ય તેઓ રજૂ કરી છે. તેઓ પોતે પણ ચિત્રકાર અને લેખક છે. તેમને વેબસાઈટ પર રજૂ કરેલ આ કવિતા મને ખૂબ જ પસંદ પડી હોવાથી અત્રે રજૂ કરેલ છે. તેમને વેબસાઈટનું નામ છે કેસૂડા.કોમ (www.kesuda.com)



ગાયોના આંચળમાંથી બોઘરણામાં છંટાતી દૂધની સેરના સ્તોત્રો !



ખેતરમાં દોડવા અધીર બળદોને કંઠે રણકતી ઘૂઘરીઓનાં પરભાતિયાં !



સવારનું કપૂરી અજવાળુ !




શીતળ સમીરનો માદક ધૂપ !



સૂડાઓનો સ-સ્વર વૈદિક મંત્રોચ્ચાર !



ગૂપચૂપ ટૂંટિયું વાળી આવી બેઠેલા સોનવર્ણી સૂરજદેવ !


ભટુરિયાંઓનાં ભમરડાઓનાં ગુંજારવની ધૂન !



સધ્યસ્નાતા હર્યા ભર્યા લાલિત્યની દીપશિખા !


ઘણાં વર્ષો પછી હું મારા ઘરની હૂંફ માણી રહ્યો છું.

-જયદેવ શુક્લ (Jaydev Shukla)

2 comments:

Unknown said...

thank for circulating my papa's poem ..
he felt thrilled when i told him about ur blog
thanks for reading it and circulating..

સિદ્ધાર્થ શાહ (Siddharth Shah) said...

You are always welcome. I personally liked this one because it sort of takes you to our roots.

Siddharth